Un collega racconta in lingua veneta (il seguito)

 

Vino Raboso, schei e….. Venere teutonica

 

 

Eà setimana pena passada, go scrito de na roba che me xe capità in banca quando che gavevo 22 ani e,  tuti quei che me gà éto,  par che no i sia stai sodisfai  parchè, secondo eori,  no ghe ea  gavarìa contata tutta: insoma i vol saver  come che eà xe  ‘ndada finir dopo eà bevua del raboso  a casa de quea funzionaria  Tetona dell’Inam de Mestre.

 

Nane Indrìo gà risposto che non xe possibie spiegar tutto fio e par segno de come xe ndae e robe dixendo soeo che tuti i salmi va a finir in gloria.

Ma chi che  gà  scoltà  sta spiegassion, per a verità  ciapada tanto  aea earga,  me par che no i sia stai contenti  e  i vol saver  de preciso cossa che vol dir  “che i salmi va a finir in gloria”. Par mì i gà fato finta de  non capir,  parchè invesse i gà capio benissimo   che se gà tratà  de na gran bea roba  che  i gavaria vossuo  che ghe fusse capitada anca a eori…...

 

Infati gnancora contenti de questa  spiegassion del salmo che finisse in gloria,  i curiosi, par mi ibidinosi più che curiosi,   i gà vossuo saver come sta storia  (che ghe someia a una de quee del poeta Bocacio), eà xe cominciada e come che eà xe ‘ndada finir. 

 

Mì, Nane Indrìo,  sercherò de dirlo desso , ma de sicuro eà Litizzeto, quea de Che Tempo che fa con Fazio,  eà sarìa  stada  tanto più brava de mì   a contarla..

 

Va dito subito che Nane e eà Tetona dell’Inam, na volta ben carburai col vin Raboso, i se gà butà in un bel  sofà  parchè i fasseva  un fià de fadiga a star in pie. 

 

Ma pena butài xo,  eà Tetona, de quaranta ani sonài,  eà ghe dise a Nane Indrio (che   gà vinti ani de manco de ea) ..  “No sta pensar che mi sia na poco de bon, ansi so na tosa seria che va messa ogni domenega, ma ti te me piasi tanto che mai, e in sti casi coea natura no se schersa…” 

 

Forse par questo, dal dito al fato, Nane se trova, in difficoltà non soeo par via  del Walter che nol xe più bon de star chieto e no ghe resta che spetar che e robe vada vanti da soe  par man dea seria funzionaria dell’Inam che improvisamente eà parte come na sciopetada par requisirme el me Walter che se trova subito drito drito aeo scoperto, chiuso su na preson sircondada da tanti paeti bianchi sensa carie e sensa eà possibiità de scampar par paura de ciapar na  strissada; insoma eà situassion in quel momento ea xera  ndà subito  del tuto fora controeo  e, in saeoto co tanto de  careghe dorae,   pareva che ghe fusse in moto na  centrifuga dea lavatrice  o na specie de compressor… par infiar e gome de na moto o de na bicicleta….

 

Dopo quindise-trenta  minuti boni,  xe tornada eà calma insieme con a gran voia de dormir stando.. svegi soeo  par bevar un cafe coreto coea graspa  par cambiar boca, come che se dixe…

E intanto xe tornà un gran siensio come quando  eà lavatrice  riva aea paroea …” The End”

 

In sto raconto che Nane Indrìo ricordarà par tuta eà vita,  xe sta messo de mexo  tanti ingredienti come el raboso, el poeta Bocacio, i salmi che finisse in gloria, persin  eà Luciana Litisseto, i ciocoeatini Perugina, e tante altre robe che, ora come ora, a squasi sessanta ani de distansa sarìa ancora beo provar  sensa paura de essar criticai….busiari chi dixe de no !.

 

Soeo che desso   Nane Indrìo   el  deve contentarse  soeo del…Vin Raboso.  Sensa contorni.

 

Nane Indrìo da Venessia-Feltre

 

 

 

 

 

Piazza Scala - marzo 2014