"Gira la roeuda": dal cessato sito Anpecomit Milano di Domenico Pizzi
| Birbant d’on autunn ch’el fa minga el so mestee: cossa l’è stò cald d’incoeu, semm d’ottober o d’estaa’? No, proeuva a guardà per terra el mantell doraa de foeuj crodaa dessoravia al praa maneman che on boff de vent el sperluscia i brocch di piant. E nel ciel luster come on specc, intant che sonen i campann, come sgoratten usei e uselitt in truscia de svernà lontan! Se sent in aria come ona vos, la te dis ch’el temp el passa: freguj de cruzzi e de ricord e in gola on gropp de malinconia per i noster stagion andaa, per i bei nebbion d’ona volta col foeugh che scalda coeur e pee, per l’alegria e i penser spensieraa, per el noster mond finii in sorée Ma ghè anca on penser resietta ch’el ratella el me besìa denter: “perché el Fond el voeur no mollà, ghe stemm proppi inscì sul venter? Va là malinconia … demegh on taj tant se pò minga tornà indree. Intant gira la roeuda di noster dì come el sol quand el va giò lontan, te par ch’el vaga via per semper e invece el dis: “ciao, a doman!” Gioz (Giorgio Cozzi - Milano) |
Una vignetta di Giorgio Cozzi
|
|
Piazza Scala - luglio 2014